இலங்கை நிர்வாக சேவையின் III தரத்தில் நிலவும் 40 வெற்றிடங்களை மட்டுப்படுத்தப்பட்ட அடிப்படையில் நிரப்புவதற்காக 2026 ஆம் ஆண்டிற்கான மட்டுப்படுத்தப்பட்ட போட்டிப் பரீட்சை நடத்தப்படவுள்ளது. அரச நிர்வாக, மாகாண சபைகள் மற்றும் உள்ளூராட்சி அமைச்சினால் வெளியிடப்பட்டுள்ள இந்த வர்த்தமானி அறிவித்தலின் அடிப்படையில், தேவையான தகைமைகளை பூர்த்தி செய்துள்ள இலங்கைப் பிரஜைகளிடமிருந்து விண்ணப்பங்கள் கோரப்பட்டுள்ளன.

✍️ எழுத்துப் பரீட்சை விவரங்கள்

எழுத்துப் பரீட்சை நான்கு வினாத்தாள்களைக் கொண்டதாக இருக்கும். விண்ணப்பதாரர்கள் நான்கு வினாத்தாள்களிலும் கட்டாயம் தோற்ற வேண்டும். ஒவ்வொரு பாடத்திலும் குறைந்தபட்சம் 50 மதிப்பெண்கள் பெற வேண்டும்.

🎓 தகைமைகள் & நிபந்தனைகள்

• கல்வித் தகைமை: பல்கலைக்கழக மானியங்கள் ஆணைக்குழுவினால் அங்கீகரிக்கப்பட்ட பட்டமொன்றைப் பெற்றிருக்க வேண்டும்.
• சேவை அனுபவம்: அரச அல்லது மாகாண அரச சேவையில் நிரந்தரமான ஓய்வூதிய உரிமையுள்ள பதவியில் MN 2 2025 / SL 1 2025 அல்லது அதற்கு மேற்பட்ட சம்பளக் குறியீட்டில் குறைந்தபட்சம் 5 வருட செயலில் உள்ள சேவை. அல்லது அரச/மாகாண அரச சேவையில் 10 வருட செயலில் உள்ள சேவை.
• வயது வரம்பு: தகைமைகள் பூர்த்தி செய்யப்படும் நாளன்று 53 வயதை தாண்டியிருக்கக்கூடாது (1973 ஆகஸ்ட் 28 ஆம் திகதி அல்லது அதற்குப் பின்னர் பிறந்தவர்கள் தகுதியுடையவர்கள்).
• சேவையில் நிரந்தரப்படுத்தல்: பதவியில் நிரந்தரப்படுத்தப்பட்டிருக்க வேண்டும். (நிரந்தரப்படுத்தல் கடிதம் இல்லாதவர்கள் தகைமை பரிசோதனைக்கு முன்னர் திறன் பரீட்சையில் சித்தியடைந்திருக்க வேண்டும்).
• ஒழுக்காற்றுத் தகைமை: சுற்றறிக்கை 01/2020 இற்கு முரணான ஒழுக்காற்றுத் தண்டனைகள் எதுவும் பெற்றிருக்கக்கூடாது.
• அமர்வுகள்: இந்த மட்டுப்படுத்தப்பட்ட பரீட்சைக்கு அதிகபட்சம் 3 தடவைகள் மட்டுமே தோற்ற முடியும்.

🗣️ நேர்முகப் பரீட்சை

நேர்முகப் பரீட்சை இரண்டு பகுதிகளைக் கொண்டிருக்கும்:

1. பொது நேர்முகப் பரீட்சை: தகைமைகளை பரிசோதிப்பதற்காக நடத்தப்படும் (மதிப்பெண்கள் வழங்கப்படமாட்டாது). வெற்றிடங்களின் அடிப்படையில் அதிகபட்சம் 50 பேர் வரை அழைக்கப்படுவர்.
2. கட்டமைக்கப்பட்ட நேர்முகப் பரீட்சை: திறன்களை மதிப்பிடுவதற்கு 25 மதிப்பெண்கள் வழங்கப்படும்.

* ஒவ்வொரு மதிப்பீட்டுப் பிரிவிலும் குறைந்தது 50% மதிப்பெண்களைப் பெற்றிருக்க வேண்டும்.

⚠️ விண்ணப்பிக்கும் போது கவனிக்க வேண்டியவை

• Online விண்ணப்பம் ஆங்கில மொழியில் மட்டுமே பூர்த்தி செய்யப்பட வேண்டும்.
• விண்ணப்பிக்க வேண்டிய இணையத்தளம்: www.doenets.lk (Our Services -> Online Applications Recruitment Exams).
• பரீட்சை கட்டணமான ரூ. 1200 முழுமையாக செலுத்தப்பட வேண்டும்.
• பரீட்சை சிங்களம், தமிழ் மற்றும் ஆங்கிலம் ஆகிய மூன்று மொழிகளிலும் நடத்தப்படும். தெரிவு செய்த மொழியை மாற்ற முடியாது.
• பரீட்சை மண்டபத்தில் அடையாளத்தை உறுதிப்படுத்த தேசிய அடையாள அட்டை, கடவுச்சீட்டு அல்லது சாரதி அனுமதிப்பத்திரம் கட்டாயமாகும்.